Manchester United chuan a tum thumna atan Chelsea midfielder Mason Mount lakluh an tum a. Pound maktaduai 55 in London club hi an dawr.
United hian Chelsea hnenah hian an dawrna hnuhnung ber a ni tawh dawn a, an dilna hi an pawm lo a nih chuan an inhnukdawk tawh dawn niin an sawi.
Chelsea hian England international hi Pound maktaduai 70 vel man hu niin an ngai a. Hetihlai hian Mount hian an hnenah kum khat bak contract a neih tawh loh avangin United lam hian a to lutukah an ngai a. Insen belh an tum lo.
United hian Pound maktaduai 40 leh Pound maktaduai 50 a lei dilna an siam chu Blues in an lo hnawl tawh.
Manager Erik ten Hag chuan tun nipui a player a lakluh hmasak ber ni turin a duh a, midfielder thar, a squad tichhahtu tur neih belh a duh.
Mount pawh hian United hi zawm a duh a, contract chungchangah inremna neih a huphurhawm lo niin United in an ngai.