- Mahmuaka Chhakchhuak
Latin – Rapturo Aramaic – Khetap Greek – Harpazo Hebrai – nil’kach / ex’s’tazah
English – Caught up / Caught away
Rapture awmzia : Latin tawnga ‘rapturo‘ tih atanga ‘rapture‘ tih hi lo kal a ni a, English a ‘Rapture‘ tih hi mizo ?awng chuan ‘Hlim tawpkhawk‘ tihna a ni a, chu chu Bible tawngkam chuan ‘Mithianghlim Lawr‘ kan ti ta a ni. Nimahsela, he Rapture tih tawngkam erawh hi chu Bible ah chuan hmuh tur a awm chuang lo a, English Bible lamah pawh a lang chuang lo a, ‘Caught Up’ tih emaw ‘Caught away‘ tiin emaw a ziah vek a ni. KJV chuan hmun 18 lai ah hengah te chi hrang hrangin a ziak a ; TT. 8:39, II Kor. 12:2, II Kor. 12:4, I Thess. 4:17, Thup. 12:5, Mat. 11:12, Joh. 6:15, TT. 23:10, Mat. 11:12, Joh. 6:15, TT. 23:10, Mat. 13:19, TT. 8:39, Mat. 13:19, Joh. 10:12, Joh. 10:28-29 (2), Juda. 1:23
Engtik huna thleng tur nge?:
Rapture hi a lo thleng ngei dawn kan ti vek nain a thlen hun thu ah ngaihdan in ang lo a awm a, a then te chuan Isua’n Misualte hrem tura Olive tlang a rawn rah phel hmain an ti a, thenkhat leh te chuan Buaina rapthlak (Lalpa’n khawvel a hrem hun) hnuah an ti bawk a ni.
Hetiang hian i han sawifiah dawn teh ang; Ngaihdan pahnih kan tarlana a hmasa zawk hi English chuan “Pre – Tribulation“ an ti a, Buaina rapthlak hmaa thleng tura ngaihna tihna a ni. I Thess. 4;13-17 thu ah kan hmu a ‘…… chumi hnuah keini nunga lo la awm renga te hi boruakah Lalpa hmuak turin anmahni rualin lakchhohin kan awm ang…..’ tih a ni. I Kor. 15;52 a kan hmuh angin mitthi tawh te chu tawih theihloa kaihthawhin an awm anga, keini nungdama awm te pawh tihdanglamin kan awm dawn a ni. Hei hi ‘Krista Ni‘ tiin Bible chuan Phil. 1;6 ah a sawi bawk a ni. Rom. 11;25 ah ‘Jentail famkimna‘ tiin Paula vek hian a sawi bawk a, Khawngaihna hun tawpa thleng tur a nia, mi thianghlim zawng zawngte Khawngaihna hunchhunga chhandamna tur a ni dawn a ni.
Ngaihdan hnuhnung zawk hi English chuan ‘Post – Tribulation‘ tih a ni a, Buaina rapthlak tak thlen hnua mi thianghlimte lakchhoha awm tura rinna a ni. Thup. 7;9 leh 7;14 thute hmang hian Hrehawmna nasa tak (Great Tribulation) hnua Chhandamna thleng tura pawh a awm theih hek loh, chutah chuan bawih a awm theih loh a, bawihlo pawh a awm theih hek loh. Chutah chuan mipa leh hmeichhia pawh a awm theih loh; Krista ah chuan in zain pumkhat in ni si a. Tin, Krista ta in nih chuanin, Abrahama thlah, thutiam anga roluah tu turte in ni’ a ti a ni.
He Rapture tia kan sawi, Mithianghlim Lawr hi Jentail zinga chhandam tur zawng zawng te chhandam kimna hun tur chu a nih dawn avangin Paula chuan tun hi chhandamna ni chu a ni tiin a sawi nghe nghe a, a hnu lamah chhandamna a awm tawh dawn loh avangin he hun chauh hi Jentail tan chhandamna awmchhun a ni tih hi kan hriat reng a ngai. Nimahsela, he hun hnu lamah hian Lalpa’n a mi, Israel hnam 12 te zinga a chhinchhiah mi 1,44,000 te erawh chu a thuhrukna hmun atangin a hruai chhuak dawn tih erawh chu kan hriat a tha bawk ang. Thup,7,12,14