NBA fans te nghahhlelh Victor Wembanyama chuan NBA team a nei ta a, NBA Draft 2023-ah thlan hmasak ber niin San Antonio Spurs in an thlang.
Zirtawpni zingah New York a Barclays Center-ah NBA player tharte thlanna NBA Draft hi neih a ni a. Feet 7 leh inches nga a sang French palian hi mi tam takin tunhnaia NBA player danglam leh tha berte zing ami ni tura an ngaih a ni.
Kum 19 mi hi an ram league leh EuroLeague-ah kum thum a khelh hnuah NBA-ah a lut a. Kum 2003 a LeBron James hnua player nghahhlelh berah mi tam takin an chhal.
Power forward leh center a khel thei palian tak ni chungin point guard anga ball skill nei tha a nihlaiin fak a hlawh hle.
“Hun rei tak chhung ka suangtuah thin a ni a, sawi ngaihna ka hre lo. Ka tana zan duhawm ber a la ni ang.” tiin Wembenyama chuan a sawi.
Charlotte Hornets chuan G-League a che tha Scoot Henderson an la dawn emaw tihlaiin Alabama freshman Brandon Miller an thlang a, sawizui a hlawh hle.