Nimin khan Sialsuk bulah Balu phur truck a che sual a, lirthei khalhtu leh handyman an thi.
Sialsuk Police Station hotute hnen atanga thudawn danin, hnam dang khalh brick phur, Ashok Leyland MZ04-A-4339 chu nimin chawhma dar 11:50 khan Sialsuk leh Chalkhan inkar, Sialsuk atanga Km 71-ah a chesual a, truck hi metre 200 vel khamah lumin a chhe hneh hle a, engine pawh a tla hrang daih a ni.
Driver Imran Lakar s/o Jamal Uddin Laskar leh Handyman Riajul Hoque, Bagha mi ve ve te chu a hmunah an boral nghal a. Nimin tlai khan an ruang hi ZMC, Falkawnah postmortem niin, an khaw lamah thawn thlak nghal a ni.
Thudawn danin lirthei chetsualna bul hnaiah hian leimin a awm a, JCB-in a thian fai mek a. Kawng siamtuten truck lo tlan hi lo tihdin tuma an lo phar chu ding lovin JCB su lova tlan a tum chu a tlan liam ta nia thu dawn a ni.