Aizawl: ZPM Zonu Headquarters President kal chhuak tur C Sangzuali’n nimin khan President thar R Lalawmpuii hnenah thuneihna a hlan.
Zonu pisa-a chanvo inhlanna hun hmana President kal chhuak C Sangzuali chuan, Zonu lamin hruaitu thar tha tak, mawng zang tak, corporator viak tha an nei chhunzawm dawn avangin hma pawh an sawn a rin thu leh a beisei thu a sawi.
President thar R Lalawmpuii pawhin Zonu te hmalakna chhunzawm tura an ruat chu a lawm rualin, a inthlanhrung tih sawiin, “Keima mi mal finna mai chu a tawk dawn lo va, kan zaivaia inlungrual taka kan thawh ka besisei,” a ti.
R Lalawmpuii chuan hmeichhiate hian ram siam tha tur hian mawhphurhna sang tak neia a hriat thu a sawi a. Hmun hrang hrangah hmeichhiaten ram an veia a siam tha tura hmalakna a chak bawk chuan ramin hmasawnna a hmu thin tiin, “Tunah hian kan ramah sorkar thar a lo pian a, rethei zawkten lei rem kan rah theih nan te, hlemhletna a bo theih nan nuho hian mahni tapchhak zawl a thu mai mai lovin ke kan pen chhuak mek a ni,” a ti bawk.
Hruaitu thar chanvo inhlanna hi Lalthazuala Rawite, GS, i/c Frontal in a kaihruai a ni.
Zonu President kal chhuak ta C Sangzuali hi ZPM Gen. hqrs-ah Consultant atan ruat thar a nih avangin R Lalawmpuii chu president nihna chelhtir a ni.