Aizawl : Inrinni khan damdawi in hrang hrang in a tula an hman turin mi 264-in a thlawnin thisen an pe.
YMA, Tuikhuahtlang branch-in YMA Day pualin Synod Hospital-in a tula a hman atan unit 57 an pe a, thisen petu mipa 54 leh hmeichhia 3 an ni.
Salvation Army Youth, Central South Division-in Aizawl Civil Hospital-in a tula a hman turin unit 43 an pe a, thisen petu mipa 38 leh hmeichhia 5 niin, Central South Division chhunga Aizawl Temple Corps SAY-in unit 18; Tuikual South Corps SAY-in unit 17; Khatla Corps SAY-in unit 5; Central Corps SAY leh Ebenezer Corps SAY-in unit 1 ve ve an pe.
City PYD (NEI) pawhin Aizawl Civil Hospital-in a tula a hman turin unit 42 an pe a, thisen petu mipa 34 leh hmeichhia 8 an ni.
KTP, Model Veng branch member mipa 35 leh hmeichhe 8-in ZMC, Falkawn-in a tula a hman turin unit 43 an pe a. KTP, Chhiahtlang bial-in Serchhip District Hospital-in a tula a hman tur unit 35 pein, thisen petu mipa 23 leh hmeichhia 12 an ni a. MTP, Thosai branch-in Siaha District Hospital-in a tu;a a hman atan unit 15 pein, thisen petu mipa 13 leh hmeichhia 2 an ni.
Faith Incorporation atangin mipa 18 leh hmeichhe 1-in Inrinni vek khan Aizawl Civil Hospital-in a tula a hman turin thisen unit 19 an pe a. Hemi ni vek hian mimal tlawmngai thisen pe mi 10 an awm bawk.