Mizoram Football Association buatsaih AIFF Grassroots Day chu Inrinni khan AR Lammual-ah hman a ni.
Grassroots hi MFA hian kum 13 zet a kalpui tawh a, tun tumah hian grassroots a traning hi naupang 100 chuang an awm mek. AIFF hnuaiah hian MFA hian Best Grassroots State lawmman an dawng tawh bawk.
He hunah hian PC Vanlalhruaia, Senior Vice President MFA chuan Grassroots Logo thar ‘Blue Clubs’ a tlangzarh a, MFA leh Reliance Foundation buatsaih Naupang League neih zawh takah Naupang 40 zet chu Reliance Foundation Young Champs Academy Mumbai Reliance Corporate Park & Reliance Beverly Park-ah training leh test chi hrang hrang neih mek thu a sawi.
July thla tawp a Naupang League awm turah grassroots naupang te pawh tel vek turin a sawm.
Hmingthansanga, Grassroots & Youth Developement Committee MFA chuan Blue Clubs awmzia sawiin “Grassroots hi India ramah țaidarh zual zel tura AIFF-in ruahmanna a siam avanga Blue Clubs tih anih thu sawiin grassroots a kal naupang bakah nu leh pa te an pawimawh a, i tangrual zel ang u” a ti.
Kum dik lo a naupang ziah hi hun kal zelah naupang tan harsatna a siam thei a, kum dik tak a kalpui a pawimawh zia a sawi bawk.