Newcastle United chuan Italy midfielder Sandro Tonali chu Serie A club AC Milan atangin an lalut thuai dawn niin a agent in a sawi.
Kum 23 mi hian Magpies hnenah hian kum ruk daih contract a ziak anga, tunkarah medical a nei fel ang.
Tonali agent Giuseppe Riso chuan Tonali man hi club pahnihte inkara inremna zawng zawng pek tlak a nih chuan Euro maktaduai 80 vel a ni thei dawn niin a sawi.
Riso chuan, “Hetiang ang samwna tha tak a lo thlen hi chuan club leh player tan pawh hian han hnawl mai har tak a ni thin.” tiin a sawi a. Player lamah Newcastle nen hian inremna an nei tawh niin a sawi bawk.
Tonali hi kum 2021-22 season a Serie A an chawi tumin Milan player pawimawh a ni a. Tunah Under-21 European Championships-ah Italy team a tawnhriat nei hnem ber zing ami a ni.
Kum 2017 khan kum 17 mi niin Brescia tan a khel tan a. A seilenna club hi Serie B atang Serie A kaisanpuiin an tan vawi 89 a inkhel hman.
Kum 2020 khan AC Milan hi zawmin an tan vawi 130 a inkhel tawh a, goal sarih a khung bakah assist 13 a nei.