Manchester City chuan Paris St-Germain right-back Achraf Hakimi, 24, lakluh theihdan an ngaihtuah a, Morocco international manah hian sum tam tham tak sen an hreh lo. (Marca)
Man City hian RB Leipzig a khel Croatia centre-back Josko Gvardiol, 21, chu mimal inremna an neihpui tawh. (Fabrizio Romano)
Pep Guardiola pawlte hian Portugal midfielder Bernardo Silva chu contract tha zawk an zawrh a, kum 28 mi hi Saudi Arabia lam pan lo tura sawm an tum. (Sunday Times)
Manchester United chuan Mason Mount lakluh an tumna kawngah hma an sawn theih loh avangin midfielder dang an melh a, Brighton & Hove Albion a khel Ecuador international Moises Caicedo, 21, chu an tum ber a ni. (Sunday Times)
United hi England midfielder Mount, 24, lei an dilna hnawl a nih chungchangah British chanchinbute hnena an indawr dan a darh avangin Chelsea lakah an lawm lo. (Manchester Evening News)
Liverpool, Manchester United leh Chelsea te chuan Napoli leh Nigeria striker Victor Osimhen, 24, chu lakluh an tum a, tunkar hian a agent inbiakna an neihpui danw. (Express)
Olympique Lyonnais chuan Chelsea atangin United States winger Christian Pulisic, 24, chu tun nipui a lakluh an tum ber a ni dawn. (L’Equipe)
Bayern Munich manager Thomas Tuchel chuan an club chu Barcelona atang Netherlands midfielder Frenkie de Jong, 26, lakluh tum turin a nawr a, England midfielder Declan Rice, 24, lakluh tumna atangin an inhnukdawk. (Foot Mercato)
Arsenal chuan ngaihven hlawh tak United States striker Folarin Balogun, 21, manah Pound maktaduai 35 an chhiar. (The Sun)
Brighton in Ajax forward Mohammed Kudus, 22, chu lakluh an tum dawn a, Ghanaian international hian Eredivisie club contract thar zawrh hi a hnawl tawh. (Daily Mai.)