India Republic Day vawi 72-naah Muslim-te chuan Uttar Pradesh-a Ayodhya-ah an mosque thar tur sakna bul an tan ve chiah a, Hnam Puanzar zara thing phunin an pathian biakna tur hi sak hna an tan.
Ayodhya-ah hian kum tam tak chhung chu biak in hmun inchuhin Muslim leh Hindu an biai a, kum 2019 khan Supreme Court chuan an hmun inchuh chu remin an inchuh tak hmunah, Ram Janmabhoomi-ah Hindu temple sak turin a ti a. Ayodhya-a hmun dangah mosque sakna tur ram pe turin sorkar a ti bawk.
Mosque satu tur, Indo-Islamic Cultural Foundation (IICF) trust chuan Ayodhya-a Dhannipur khuaah ram acre ngaa zauvah zing dar 8.15 khan Hnam Puanzar zarin thing an phun a, mosque sakna chu an tan ta a ni.