Aizawl : Disaster Management and Rehabilitation (DM&R) Minister Lalchamlian- a’n nimin khan Hun- thar Veng, Aizawla lei tlahniam siamthat mek tlawhin, PWD leh DM& R te hmalakna a enfiah.
DM&R Minister chuan Hunthar lei tlahniam leh leimin avanga chhungkaw engemaw- zat awmhmun sawn ngai hiala an awm chu pawi a tih thu a sawi a. Helai hmun siamtha tura sorkarin theihtawp a chhuahna kawnga khawtlang mipui tawiawmna hlu a tih thu leh sorkara thahnemngaia thawktute avanga lawmawm a tih thu a sawi.
Helai hmun hi kum 1990 vel atanga zawi zawia che a nih thu sawiin, kum 2016 ba- wr chho ah sorkar hm- asa hunlaiin DM&R-in project a siam tawh thu DM&R Minister chu- an a sawi a. Kum 2017-ah siamthat a nih thu leh phai atanga technical mi lo kal te pawhin engemawchen hma an lak thu a sawi.
Kum 2018-ah Chief Minister Zoramtha- nga’n hma la lehin, NDMA-ah amah ngei kala, a zuk dawr hnua Central lam mithiam pathum an lo kal leh hnuah NDMA-in Rs. vbc 20.8 sanction ma- hse, central leh state share 50:50 a inremsiam a nih hnuah hna- thawh a nih thu a sawi.
DM&R Minister chuan “Helai hmun top soil a rih piahlamah luikawr lam atanga tawlh tawh a nih avangin thlanglam atanga dawm tel loh chuan chunglam ringawt chu a fel kan ring lova, kawngpui NH-54 chunglam zawng chu DM&R department hmalaknain pile foundation leh SDA sak te, drainage, retaining wall, shaft well siam leh adangte thawh a lo ni ta a. Kawng thlang lam zawng chu state sum hmangin PWD hmalakna in counterfort retaining wall siam hna thawh a ni a. Heng bakah hian Vaivakawn lui leh Biak In lui ah link drain siam tura hmalak a nih bakah tun dinhmun a tuihawk luanna (drain) siam belh ngai te siam belh a ni ang” a ti bawk.