Wimbledon champion Elena Rybakina chu inbuatsaihna tournament atana mi tam takin an hman Eastbourne International atangin a inhnukdawk a, hei vang hian kumin a All England Club a inelnaha a fit hman ang em tih zawhna a awm mek.
Kazakhstan player Rybakina hian nikum khan Wimbledon-ah hian a Grand Slam title hmasa ber a la a. July 3 atanga tan tur tournament-ah hian a fit tha hman ang em hriat a ni lo.
Kum 24 mi hi tunhnai hmeichhe tennis a che tha tluan ber zing ami a ni a. January thla khan Australian Open-ah final a lut tawh bawk.
Rybakina hian June thla a French Open atanga a tel theih loh chhan a dam lohna atangin a la dam chiang vek lo niin a sawi.
“Ka team nen thutlukna kan siam a, Wimbledon atana inbuatsaihna a that zawkna turin tunkarah inkhelh loh kan thlang ta zawk a ni. Paris a ka hri kai khan ka taksa min nghawng a, hei vang hian ngai ka awh thei chiah lo.” tiin a sawi.