England Under-21 in UEFA Euro Under-21 Championship quarter-final an lut a. An hmun tichiang turin 2-0 in Israel an hneh.
Pathianni zana Ramaz Shengelia Stadium a inkhelah hian England tan hian minute 16-naah Anthony Gordon chuan goal hmahruai a khung a. Morgan Gibbs-White ball cross atangin a tauh lut.
Gibbs-White bawkin England goal hnihna a siamsak leh a, minute 68-naah Emile Smith Rowe chuan inkhel dahthatna goal a khung.
Hnehna an chan avangin England hi Group C-ah an sang ber tawh.
Group A a pahnihna an hmachhawn dawn a, a thlengtu Georgia, Netherlands, Belgium leh Portugal te an la tling thei vek.
Group C inkhel dangah Czech Republic in Germany 2-1 in an hneh a. Tling turin beiseina an la nei.
Czech Republic tan hian Václav Sejk leh Martin Vitík ten goal an khung.
Group D-ah match hnih atangin a vawi hnih nan France an chak a. Michael Olise goal khung hmangin 1-0 in Norway an hneh.