UFC women’s strawweight champion tum hnih ni tawh Rose Namajunas chu weight class tharah a inel dawn a. Flyweight-ah a chho dawn.
September thla tira UFC Paris neih turah flyweight title inchuhna zinga tel a ngaih Manon Fiorot nen an intum dawn.
Nikum May thla a Carla Esparza laka a 115 pound title a hloh hnuah Namajunas hi a la inel leh lo.
Kum 30 mi hi 11-5 MMA record nei niin khawvela strawweight fighter tha ber zinga chhiar tel a ni a. UFC women’s strawweight ranking-ah no.2 a ni mek.
UFC-ah hmeichhe fighter zinga a title hloh hnua la kir leh thei awmchhun a ni a. Strawweight champion tum hnih ni ve ve tawh Joanna Jedrzejczyk leh Zhang Weili bakah vawikhat champion tawh Jessica Andrade te a hneh tawh vek.
A khingpui tur kum 33 mi Fiorot hi 10-1 MMA record nei a ni a. UFC-ah vawi nga inlan tawhin a la chak vek.
Professional MMA-ah a zawna vawi 10 chak lai a ni a. Fighter kut thlak na leh tlo hi karate-ah black belt niin kickboxing leh Muay Thai ah tawnhriat a nei tha bawk. Nikum October khan UFC 280-ah Katlyn Chookagian a hneh.
UFC Paris-ah hian main event-ah heavyweight bout a awm dawn a. Interim champion thin Ciryl Gane leh Sergey Spivak te an intum ang.