Nimin tlai khan Kawnpui Police te chuan Kawnpui daiah Lirthei 3-a dan lova Kuhva tawlh ruk an phurh bag 100 chu an man.
Kawnpui Police Station atanga thudawn danin heng Kuhva te hi 407 truck pathum – Mz04/A5394, Mz04/A6658 leh Mz01/L 6197 hmanga phurh an ni a; Kawnpui daia an ding chu rinhlelhawm nia ngaiin mi thenkhat ten Police-ah report a ni a, Police ten an enfiah hnuah Kuhva hi an phur ngei tih finfiahin an man ta nghal a ni.
Kuhva phurtute hian Champhai godown atanga rawn phur an nih thu sawiin, Chhimluang (Vairengte) godown-a dah tur an nih thu an sawi.
Kawnpui Police-ten Kuhva an man hi dan anga hmalak zui zel turin Kuhva tawlhruk mansa dahkhawmna Thingdawl Polytechnic-ah dah a ni.