Manchester United chuan Chelsea atanga Mason Mount lakluh an tumna kawngah inremna neih lam an pan theih loh avangin midfielder dang an melh tan.
United in Mount lei an dilna hi tum thum hnawl a ni tawh a, a hnuhnung ber hi tun kartawp khan niin Pound maktaduai 55 vela dilna chu Chelsea in an hnawl.
Chelsea hian Pound maktaduai 58 a inrem a, maktaduai 7 dang pek belh leh theihna awm se an pawm dawn nia sawi an ni a. Hetihlai hian United nena hmaichhana inbiakna neih an inhuam niin an sawi bawk.
Nimahsela United hian Mount hi kum khat chauh contract a neih tawh avangin hetiang zat sum sen an tum lo.
Hei vang hian Chelsea in lakluh an tum Brighton midfielder Moises Caicedo nen sawizawm an ni nghal a. A kum lamah a naupan zawk bakah chhawr theihna a danglam dawn avangin a man a sum sen hnem an hreh lo.
Ani bakah Ajax attacking midfielder Mohammed Kudus leh FC Utrecht midfielder Taylor Booth te nen pawh sawizawm an ni ve bawk.