Manchester City chuan Euro maktaduai 90 in RB Leipzig defender Josko Gvardiol, 21, chu lei an tum a, Croatia defender hi Pep Guardiola player duhthusam niin an sawi. (Sky Sport Germany)
Villarreal leh Senegal forward Nicolas Jackson, 22, chuan Euro maktaduai 35 in Chelsea a zawm hnai a, Pathianni khan medical a nei fel tawh. (The Athletic)
Mikel Arteta chu Paris Saint-Germain nen sawizawm nimahsela Arsenal-ah a hlim thu a hriattir tawh. (Marca)
Arsenal chuan kum 22 mi Ajax leh Netherlands defender Jurrien Timber chu lakluh an tum chhunzawm zel. (Daily Mail)
Saudi Pro League team Al-Hilal chuan Everton atangin Jamaica winger Demarai Gray, 26, chu lakluh an duh a, karlehah inbiakna an kalpui tan dawn. (Daily Mail)
Al-Ahli chuan Brazil forward Roberto Firmino, 31, chu inbiakna an neihpui a, Saudi Pro League club hian Liverpool forward hlui thutlukna hi an la ngaichang. (Fabrizio Romano)
Colombia centre-back Yerry Mina, 28, chuan season zawh ruala Everton a chhuahsan hnuah Fulham a zawm hnai. (The Sun)
Manchester United manager Erik ten Hag chuan Old Trafford atangin player 11 chhuahtir a phal a, tun nipuiah a squad thuam thatna turin Pound maktaduai 100 vel player man atanga an lakluh a ngai. (Mirror)
Chelsea leh Morocco winger Hakim Ziyech, 30, chu tun nipui a Stamford Bridge atanga Saudi Arabia pantu player palina a ni thuai dawn a, Al-Nassr a zawm har tawh dawn lo. (Fabrizio Romano)
Manchester United chuan kum 28 mi Juventus leh France midfielder Adrien Rabiot aiawhte nen inbiakna an nei. (The Athletic)
Liverpool leh Tottenham te chuan tun nipui a Wolfsburg chhuahsan hreh lo Netherlands defender Micky van de Ven, 22, an inchuh dawn. (Football Insider)