Assam cabinet chu nimin khan Dispur-ah Chief Minister Himanta Biswa Sarma kaihhruaia thukhawmin thutlukna lian tak tak an siam.
Himanta Biswa Sarma cabinet hian Bodoland Territorial Region (BTR)-a inawpna a kaltluana tihchangtlun zel nan Bodoland Welfare Department leh Bodoland Administrative Staff College siam turin an pawm.
State cabinet hian Kushal Konwar Briddha Pension Scheme leh Indira Miri Widow Pension Scheme hnuaia pawisa pek chhuah turte pawh pek chhuah nghal ni se an ti bawk.
Cabinet hian Kushal Konwar Sarbajanin Briddha Pension Achoni hnuaia puihna dawngtu tur mi nuai 13 hnenah puihna pek chhuah tur te, Deen Dayal Divyang Yojana hmanga puihna dawng tur mi 1,60,000 leh Indira Miri Universal Widow Pension Scheme hnuaia puihna dawng tur mi 1,70,000 hnenah thla tin ni 10 zelah puihna hi pek thin ni se an ti.
Cabinet meeting hian guardian minister chu district tin thuneitute nen inbepawpa heng scheme leh project bakah vantlang tana hriat tur awm ang chite puang zar tura tih ni se an ti bawk.
Nimina Assam cabinet thutkhawmah hian zing lama thi ta, BPF MLA Majendra Narzary uina leh thlahna hun an hmang a. Narzary hi Gossaigaon bialtu a ni a, an party hi BJP kaihhruai tangrual sorkara tel an ni.