Champhai district EC thukhawm

Aizawl : Champhai District Education Committee (DEC) chu nimin khan an Chairman, Cha- mphai Bawrhsap James Lalrinchhana hovin an thukhawm a. High Sch- ool leh Higher Secondary School zirlaite tan Career Guidance, NEP 2020 anga University Course kalpui tur leh Common University Entrance Test (CUET) chungchangah Awareness Campaign neih ni se, an ti.

Vocational Education hnuaia zirlai ten certificate an dawng tlai thin chu hma zawka an dawn theih nan a remchan dan anga hmalak ni se, tiin, tul leh pawimawh dang an sawiho bawk.

Champhai Bawrhsap chuan Champhai district chu district hlim leh dam a nih theih nan zirlaiteah nasa taka tanlak a tul thu sawiin, zirlaite hmakhaw- ngaia theihtawp chhuah turin member-te a ngen a. Champhai district chhungah hmasawnna ruhrel dangte hlamchhiah chu- ang lovin zirna, hriselna leh infiamna tih hmasawn kawnga tanlak a nih thu a sawi bawk.

District Education Committee thukhawm chuan Champhai District tana Project Approval Board-in kum 2023-2024 chhung atana hmalakna tur hrang hrang a pawmpuite an thlir hova, Elementary Education atan Rs. nuai 1222.84, Secondary Education atan Rs. nuai 1078.93 leh Teacher Education atan Rs. nuai 178.89, a vaiin Rs. nuai 2480.65 pawm a nih thu report a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427