Chelsea midfielder Ruben Loftus-Cheek chuan Italian club AC Milan a zawm thuai dawn.
Kum 27 mi hian England tan vawi 10 a inkhel tawh a. Stamford Bridge-ah hian kum 8 mi a nih atangin a awm tawh a. Loan in tum hnih chhuak tawhin Crystal Palace leh Fulham tan te a lo khel tawh.
Milan hian an sporting director Paolo Maldini chhuahtir mahse Loftus-Cheek hi an ngaihven chhunzawm zel a. Euro maktaduai 17 velin inremna an nei dawn niin an sawi.
Rossoneri hian Sandro Tonali an chhuahtir dawn avangin an midfield a khel tur an melh mek. Blues lamin Euro maktaduai 30 vel a manah beisei mahse kum khat chiah contract a neih tawh avangin club pahnihte an indawr a, man tlawm zawkin an inrem hnai.
Chelsea-ah a cham chhungin Premier League title vawi hnih a la hman a, FIFA Club World Cup leh UEFA Super Cup latu squad-ah a tel bawk.
Tun season-ah Blues tan vawi 33 a khel a, nimahsela starting XI a chan tam loh avangin a club hian chhuahtir an hnial lo.