Chinese millionaire chuan an rama university entrance exam hautak ber chu a vawi 27 nan bei lehin a paltlang zo lo leh tih a sawi.
Zirtawpni khan kum 56 mi, Liang Shi chuan point 750 awmnaah 424 chauh a hmu tih a tar lang.
Point 34-in China-a zirna in sanga kai thei tura hmuh ngai a hmu phak lo.
Kuminah hian zirlai maktaduai 13 dawn an exam a. Liang-a hi tual chhung chanchinbute chuan zirna sang zawk beih tumna a neih avangin an ngaihven hle.
Kum 1983 daih tawh atang khan exam hi vawi tam tak a lo bei tawh a, tun tuma a tling zo lo leh ta chu pawh a tih thu Liang-a hian chanchinbumite hnenah a sawi a, a lo suangtuah a puitlin theih rih dawn loh thu a sawi.
Gaokao tia an sawi, exam hautak tak hi zirlaiten sang zawk an zir theih nana Chinese, mathematics leh English bakah science emaw, humanity emaw subject an exam-na a ni.
Chinese sorkar chuan kum 2021 khan exam zinga 41.6% chu university leh college-a lut tura pawm a nih thu an tar lang.
Gaokao hi mi tam tak tan remchanna siamtu, a biki mi rethei chhungkuaa sei liante tan a ni zual a, an ramah hian degree neih hi hna tha neih nana pawimawh ber pakhat a nih vang a ni.