MNF President Zoramthanga, chief minister chuan MNF-in engmah a ti lo titute chu MNF sorkar hnuaia hmasawnnate en turin a ngen.
He thu hi nimin Saituala Tawi East Block Conference a hmanpuinaah a sawi a, Zorama chuan, “‘MNF sorkar hian a thil tih tum ang a ti lo,’ tia dem tute hian Covid vanga khawvel ram dangten an tih tum an tih bik lohzia an hriat a ngai,” a ti.
MNF-in Zofate inzawmkhawmna a buaipui dan sawi zawmin, tun hnaiah Manipur chief minister nen an inbiaknaah ‘Greater Mizoram in tih hi hi a hun lo hle mai,’ tia a rawn chhal thu leh MNF hian a din tirh, October 22, 1961 atangin Zohnahthlak inzawm khawmna chungchang an lo buaipui daih tawh tia a chhan thu a sawi a, tun thlengin MNF chuan Zofate rorelna pakhat hnuaia awm chu a la bei reng tih a sawi.
MNF president chuan, “ZPM party chu an chapona avanga tal buai mekah puhin, kalphung thar hritlanin an hritlang a, an bâng sup sup mai a ni,” a ti a, MNF chu an sorkar leh ngei dawn tih a sawi bawk.
He huna khualzahawm, MNF Adviser R.Lalzirliana pawhin thu a sawi a, Tawi bialah hmasawnna lian tham tam tak hmuh tur a awm thu te, MNF sorkarin sum harsa tak kara Saitual district implement a ni chu lawmawm a tih thu a sawi.
Block conference-a uaptu, MNF adviser, Aizawl Myor Lalrinenga Sailo pawhin thu sawiin Tawi bialah MNF party an tlin leh ngei nana hma an lak tan tur thu a sawi a, district petu MNF chu tawih mipuiten lawmthu sawi nan an vote tling leh ngei dawn a sawi bawk.
He hunah hian MNF President Zoramthanga’n MNF party zawm thar mi 339 a lawm lut a ni.