Premier League champion Manchester City chuan RB Leipzig defender Josko Gvardiol chu lakluh tumin hma an la mek a, mahse German club lamin a manah Euro maktaduai 100 tal an beisei.
Kum 21 mi hi City manager Pep Guardiola chuan a dahsang hle a, nikum World Cup-ah Croatia tlarhnung innghahna a ni tawh.
City leh Gvardiol-a aiawhte hian inbiakna an nei tawh a. Gvardiol-a contract-ah hian nakkum nipuiah Euro maktaduai 110 a leichhuah theihna a awm.
Hei vang hian Leipzig in man tlawm zawka kum khat a chhuah hma tir an tum lo.
Tun season-ah Gvardiol hian Leipzig tan vawi 41 a inkhel a, UEFA Champions League-ah Manchester City hi hmachhawnin 8-1 aggregate a an tlawmna kawngah erawh a dang thei lo.
Dinamo Zagreb player hlui hi tlarhnungah defender pathum inremah emaw defender pali hmanna tactic-ah buai miah lovin a khel thei a. Vei khawr a nih bawk avangin Guardiola in a tlarhnung a khel turin a duh. Spain international Aymeric Laporte hma hun a chian loh bawk avangin City hian an ngaihven a ni.