Aizawl : Directorate of Economics & Statistics-in nimin khan ‘National Statistics Day’ an hmang a., Pla- nning and Programme Implementation department Secretary Lalmalsawma Pachuau-in a hmanpui. ‘National Statistics Day’ hi vaw- iin ni mahse, sorkar pisa chawlh ni a nih avangin nimin khan an hmang a ni.
Planning Secretary chuan “ramin hmasawnna tha leh dik a neih theih nan statistic data felfai tak a ngai” tiin, Mizoramin data rintlak a neih theihna tura thawktu Economics & Statistics department chu chhuanawm a tih thu a sawi a. ‘Statistical Handbook’ an tihchhuah thin chu mi tam takin an hmang tangkaiin an hlawkpui hle nia sawiin, data felfai tak a nih avangin ram hmasawnna tura ke pennaah pawh nasa takin a tanpui niin a sawi.
Naupiang leh mitthi chungchangah nitin data khawn theih a ni chu fakawm tiin, state dang tam takin an tih theih loh a nih tu Lalmalsawma chuan sawiin, “a lawmawm hle a ni” a ti a. Mizoram chu sustainable development goal (SDG) kalpui tha ber zinga mi a nih thu sawiin, ‘localization of SDG’ kalpui mekah khawtinin hmasawnna thar an neih theih nan department-chu tanla turin a chah bawk.