France midfielder Adrien Rabiot chuan Juventus-ah kum khat contract pawhseina a ziak a, Turin khawpuiah a cham chhunzawm dawn.
Kum 28 mi hi tun nipui a contract hmang zo tur hi a ni a, nikum lam pawha amah nena sawizawm ni tawh Manchester United nen an indawr nia sawi a tam hman.
Nimahsela Juventus sawmna hi pawm ta zawkin a club ngaiah a khel dawn.
Rabiot hian kum 2019 nipui khan Paris Saint-Germain chhuahsanin Juve hi a zawm a, an tan vawi 177 inkhel tawhin goal 17 a khung tawh.
Kum 2019-20 season a Serie A title chawitu team ah pawh a tel.
Kuminah Juve in season harsa an hmang chungin Rabiot bik a che tha a. Inelna hrang hrangah vawi 48 inkhelin goal 11 a khung bakah midang khung tur vawi ruk a siamsak.
United hnenah hian a agent ni bawk, a nu Veronique Rabiot chuan season thum chhung kum khata Euro maktaduai 10 hlawh a phut bakah signing bonus Euro maktaduai 10 a phut a. Red Devils lamin an hnawl niin an sawi.
Juve-ah hian Coppa Italia leh Supercoppa te a la tawh bawk.