ZPM Party Thalai Hqrs., chuan an General Secretary (Media department) Romalsawma chu a nihna chelhah ZPM tan a him lo nia an hriat avangin a nihna an hlihsak.
Thuchhuah an siamah ZPM Thalai elected OB leh GS ten tun hnaia Romalsawma’n Vanlalsailova laka a lungawi lohna leh demna Facebook-a a post an ngaihtuah tih sawiin, “Thu tlingah kan ngai lo va, Khami ni khan ZPM Thalai office-ah leng lut kan thahnem a, a hrana lo inbiak hleihtheih a ni lo,” an ti.
Hei bakah Romalsawmna hian Alinery Lalngilneii Lianghlawng chungchanga social media-a a post tawhah zilh a lo nih tawh thu tar lang bawkin, “ZPM bei zawnga thu a post avangin June 27, 2023 (zan dar 7:18) khan phone phone-in Pu Vanlalsailova mawi lo taka puhchhiatna a post delete tur leh thupha chawi tura tih a ni a. Thupha a chawi loh tur thu a sawi bakah, ZPM tana thalo thil a la post zui zel a. Tin, MNF Hnam Run-ah a leng lut thin tih hriat,” tiin, ZPM Thalai Hqrs. GS (Media Department) nihna a chelh hi ZPM tan a him lo nia an hriat avangin a nihna chu an hlihsak tih an tar lang.