Tottenham striker Harry Kane, 29, chuan Bayern Munich zawm a duh a, mahse German club in an dawr hmasak berna atana Pound maktaduai 60 leh a bak inpek belh an dil chu club in hniam an ti lutuk. England captain manah hian Pound maktaduai 100 tal an duh. (The Guardian)
Arsenal chuan a vawi thum nan kum 24 mi West Ham leh England midfielder Declan Rice lei dilna an thehlut a, tun tumah hian Pound maktaduai 100 pek hnuah Pound maktaduai 5 pek belh leh an tum avangin inremna a hnai. (The Athletic)
Spain goalkeeper David de Gea, 32, chuan Manchester United-ah contract pawhseina ziak turin inremna an nei tawh a, mahse club lam hian an indawrna tidanglam in an inrem tawhna aia hniam hlawhtir an tum avangin a la fel lo. (The Athletic)
Manager Erik ten Hag chuan De Gea hi goalkeeper rinrawl ni tura a rin ngam tawh loh avangin United hian indawr that an duh. (Daily Mail)
FC Porto chuan Financial Fair Play dan an zawm theihnan sum hmuh vat an mamawh a, goalkeeper Diogo Costa chu Premier League club-te hnenah zawrhin Chelsea leh Manchester United te pawh heng zingah hian an tel. (90min)
Liverpool chuan Real Madrid chu Paris St-Germain atang France forward Kylian Mbappe, 24, lakluh tumnaah el an tum dawn a, Euro maktaduai 300 chuang insenso an inhuam niin Fifa agent Marco Kirdemir chuan a sawi. (Marca)
Inter Milan chuan Chelsea leh Belgium striker Romelu Lukaku, 30, chu loan in hawh an tum leh dawn a, Pound maktaduai 25.8 a lei ngheh theihna awm se an duh. (Telegraph)
Arsenal chuan Ajax atangin Netherlands defender Jurrien Timber, 22, leh Chelsea a khel Germany forward Kai Havertz, 24, te lakluhna an tifel thuai dawn. (Sky Sports)
Manchester United chuan Barcelona midfielder Frenkie de Jong, 26, lakluh an la duh reng a, Bayern Munich pawhin an ngaihven. (90min)