Kum hnih dawn album puitling a neih loh hnu-ah zaithiam lar Olivia Rodrigo chuan album pahnihna, ‘Guts’ a tichhuak dawn ta.
He album hi Geffen kaltalngin September 8, 2023 hian tlangzarh a ni ang a, June 30-ah single hmasa ber, ‘Vampire’ ngaihthlak theih a ni bawk ang.
‘Guts’ ah hian debut album, ‘Sour’ -a a lo thawhpui tawh producer Daniel Nigro a lang leh dawn a, beiseina a sang hle.
“Ka tan chuan he album hi tawrhna lo awm chho zel leh tun dinhmuna ‘Tunge ka nih’ tia inenfiahna pawimawh tak a ni,” tiin Olivia hian a sawi.