Japan-a lawngchawlhna hmun pakhata tui chu thisen ang maiin a sen a, a bul hnaia chengte an chiai hle a, beer factory-in ngaihdam an dil zui nghal bawk.
Orion Breweries chuan ei tur rawng siamna (food colouring dye) chu luiah a put palh niin an sawi a, hei hian lawngchawlhna hmuna tui rawng a thlak niin an sawi a, hriselna atana hlauhawm a ni lo niin an sawi bawk.
Hetih rual hian Okinawa-a Nago khawpuia chengte tan ‘buaina leh lungngaihna’ an thlen avangin ngaihdam an dil tel bawk.
Mi cheng thenkhat chuan an tui rawng hi ‘rapthlak’ tia social media-a an tar lan laiin thenkhat dangin ‘tûr hlauhawm’ tiin an lotar lang ve bawk.
Tui tisentu nia an sawi, Propylene glycol hi ‘a tlangpui thuin a him’ nia ngaih a ni a, ei tur lam chi-ah an hmang nasa niin US-a hriselna lama thuneitute chuan an sawi.
Tuna put hi zu sakna hmuna an cooling system pakhat atangin a nih rin a ni a, Thawhlehnia thleng kha niin chawhma dar 9:30 vel khan tui hi a sen tan niin Japanese chanchinbute chuan an tar lang a. Luikawr zawh zelin luiah hian a luang lut ta a ni.