Tottenham chuan Leicester midfielder James Maddison chu Pound maktaduai 40 a an lakluhna an tifel thuai dawn.
England tana vawi thum inkhel tawh Maddison hian nizan khan Spurs-ah hian medical nei fel tura ngaih a ni a. Vawiin lamah a insawnna an tifel ang.
Kum 26 mi hian kum 2018 a Norwich City atanga Foxes a zawm hnuah an tan vawi 203 a inkhel a. Kum 2021 khan FA Cup a chawipui.
Maddison hian season liamta khan a club hi Premier League atanga an tlakna tur atangin chhanhim thei lo mahse mimal lamah season a hmang tha a, league goal 10 a khung.
Foxes tana a khelh chhungin goal 55 khungin midang khung tur vawi 41 a siamsak bawk a. Spurs in an mamawh playmaker rintlak an nei tawh dawn.
Spurs hian Thawhlehni khan Italian goalkeeper Guglielmo Vicario an lakluh thu an puang tawh bawk.