Aizawl : I&PR department, MJA, leh Mizo Photographer’s Society (MPS) te buatsaih Remna Ni Photo Exhibition chu I&PR Minister Lalruatkima’n nimin khan Vanapa Hall-ah a hawng a. Remna Ni Photo Exhibition hian vawiin thleng a awh ang.
Remna Ni (June ni 30) lawmna atan nimin khan Champhai Dist Hospital-ah thisen pek runpui huaihawt a ni a. Police mipa 15 leh hmeichhe 1-in thisen unit 16 an pe a, Champhai South leh North MNF thalai mipa 41 leh hmeichhia 7-in unit 48 an pe bawk.
Remna Ni hriatreng nan nimin khan Mamita sorkar pisa hrang hra- nga hotute chu thingphunin an hnatlang a. Mamit Zongaw atanga thing phun tanin, thingtiak chi nga – Berawchal, He- rhse, Khuangthli, Thado leh Lenhmui avaiin thingtiak 60 an phun.
Kolasib DFO Margaret Lalramchhani hmalaknain nimin zingkarah khan Kolasib-ah pawh Project Ve- ng YMA hall bulah Rem- na Ni hriatrengna thing an phun a. Bawrhsap John LT Sanga bakah sorkar official te leh tlawmngai pawl hrang hrang hruaitu ten thing an phun.
Remna Ni denchhenin nimin khan Lunglei-ah UD&PA department-in faina hnatlang an kova. Pukpui Centenary Park, Lunglei Park, Chanmari leh 3 Gate Lunglawn-ah te 20 Bn BSF leh 3 NH Bn Assam Rifles sipaite; Baptist Higher Secondary School, Govt. Higher Secondary School, Govt. Liantawna High School zirlaite; Clean Lunglei volunteer-te leh UD&PA department thawktute leh official dangte hnatlangin an thawkchhuak.