Mizoram Cycling Association in cycling hmanga ‘cross-country’ inelna a buatsaih tur Mizoram XCO 2023 cycle intlansiak chu tukin dar 10 atang hian Muthi field atangin chu tan a ni ang.
MiCA in kawng chhia leh chhuk chho a thirsakawr intlansiak a buatsaih tur hi category pathum Elite, Junior leh Masters inelna tur a ni a, Mizo cyclist tha ber ber, national level inelnaa lo tel tawh te, Northeast level a lawmman lo la tawhte leh rider naupang deuhte pawh an inlan nawk dawn.
Cross-Country Olypic (XCO) a inelna tur hi Cycling Federation of India a Joint Secretary Dr. Tapan Das leh Cycling Association of Assam Joint Secretary Dibyajyoti Rajkhowa te pawhin an rawn chhim dawn a ni.