Aizawl: African Swine Fever (ASF) avangin kuminah Mizoram hmun thenkhatah vawk 177 a thi tawh a, vawk pul hri leng thawh thumna thleng hi a nasa rih lo.
AH&Vety depatment atanga thudawn danin, vawk pul hri leng thawh thumna hi May thla vel atang khan Champhai districtah in tran, a tuar nasa ber champhai district-ah hri vangin vawk 89 a thi tawh a, tunah hian hri leng hi a zia tan tawh a. ASF vanga vawk thihna district dang Kolasib leh Mamitah vawk 38 ve ve thi tawhin, Aizawl district-ah vawk pakhat a thi tawh a. ASF hri vei hmuhna district paliah hian hri leng zel tur dan nan vawk 187 suat a ni tawh a ni.
Vety department hotute chuan kumin ASF hri leng thawh thumna leng hi a nasa vak lo a, a darh chak loh bakah a darh nasa lo tih an sawi a, an rin dan vawk pul hri leng hi a ziaawm chho tan turah an ngai a, hetihlai hian thil sawi lawk theih a nih loh thu leh ni khat leka danglam thei a nih thu an sawi tel.
Kum 2021 khan ASF hi Mizoramah hmuh tan a ni a, kum tir lam atangin 2022 February thlengin he hri hi Mizoramah a leng a. 2022-ah hian a thawh hnihna a leng leh a, December 22-ah a tawp tiin an chhinchhiah a, kuminah a thawh thumna a leng leh a, kumina an finfiah hmasak ber chu May 6-a mi a ni.