UFC weight division hnih a champion thei Henry Cejudo chuan thla thar a Marlon Vera nen an intumna tur UFC 292-ah a inlan theih loh tur thu a sawi a. A dar hliam avangin a chawlh rih a ngai dawn.
Cejudo hian a hliam hi zai a ngai dawn a, thla hnih chhung vel training a neih theih loh tur thu a sawi a. Zai hi a duh lova, a dar lehlam hliam an enkawl ang thovin stem-cell treatment lak a, rehabilitation pangngai neih a duh.
UFC 292-ah hian a khingpui tur Vera hi a la inlan dawn tho em tih a chiang lova. UFC in a khingpui tur midang an melh a rinawm a, hetihlai hian amah Vera hian champion hlui Petr Yan chu amah hmachhawn turin a cho ve bawk.
Cejudo hian a hliam a dam hunah UFC bantamweight champion Aljamain Sterling-a teammate Merab Dvalishvili hmachhawn a duh thu a sawi a, ani bakah UFC flyweight champion ni lai Brandon Moreno pawh a sawi tel.