Nimin zing khan Kelkang leh Mualkawi inkara scooty chesualah Ramdinthari (49) w/o Lalthanzama, Buang khua chu a hmunah a boral.
Buang VC Lalzuimawia hnen atanga thudawn danin, Ramdinthari hi khel ruh tha lo niin Zokhawtharah a hmetthiam panin Thawhlehni khan a fapa, Johan Lalruatfela nen an kal a, Zokhawthar atanga hawin Ningani zan khan Champhaiah an riak a, nimin zing khan an khua Buang an pan chu an an chesual ta a ni.
Zing dar 7:15 vel khan Mualkawi leh Kelkang ram inrinaah truck nena an intawk inpel tur chu scooty hian kawngsir metal lo chin a rap chu an tlu a, a hnunga chuang, hmeichhe thuta thu, Ramdinthari chuan a tukhumin truck bang a tauh a, a hmunah a boral nghal a, Champhai District Hospital-ah postmortem niin vawiinah vuiliam a ni ang.