Premier League club Liverpool in an midfield tihchakna tur an zawn belh a. RB Leipzig atangin Dominik Szoboszlai chu lakluh tumin a khelhna club an dawr tan.
Kum 22 mi Hungary attacking midfielder hian season liamta khan Leipzig hi Bundesliga-ah pathumna nihpui in German Cup a chawipui bawk.
Player aiawhte leh Liverpool hian inbiakna an nei tawh nia sawi a ni a. Reds hian midfielder thar la melhin kar tir lam khan Szoboszlai lakluh hi an hnaih lo nia a lanlaiin tunah indawrna a kal ngawrh dawn niin a lang tawh.
Hmun thenkhata thuthangah Szoboszlai hian nizan thlenga hman theih Pound maktaduai 60 a leichhuah theihna a nei niin an sawi.
Szoboszlai hian tun season khan Leipzig tan match 46 khelin goal 10 a khung bakah assist vawi 13 a nei bawk a ni.