Kumhnih kaltaa Astrowrold music festival-a mipui inpawngchilna thlengah khan rapper Travis lakah thubuai siam tura ngenna hnawl a ni.
Texas-a jury member te hi nimin khan inhmuhkhawmin mi 10 thihna chungchangah Scott leh midangte inrawlhna nia sawi thlir hovin an ngaihtuah ho hnu-ah an laka thubuai siamsak tula an hriat loh thu an sawi.
Scott-a lawyer Kent Schaffer chuan heti anga thutlukna lo thleng ta hi a client tan thawkhuaina tham a tling, a ti.
Hetih lai hian rapper hi Houston-a thil thlengah khan civil suit thahnem tak hamchhawn tur a nei dawn tho.
Scott hi rap music-ah chuan a lar ber pawl a tling pha a, 2018 khan Live Nation nena tangkawpin Astroworld concert a kalpui a, a hit hle.
Vanduaina thlen hun November 5, 2021 ah khan stage-a Scott a zai laiin mipui an innek buai vak mai a, stage hmalama ding te chu che hlei thei tawh lovin an talbuai zui hle a, mi sawm in nunna an chan phah.
An zingah hian kum 9 mi atanga kum 27 thleng an tel a ni.