Mizoram Cycling Association (MiCA) chuan a vawikhat nan Zirtawpni khan Muthi ramah cycle hmanga kawng bumboh leh chhuk chho a intlansiak Cross-Country Olympic (XCO) a buatsaih.
XCO 2023 ah hian inelna category pathum a awm a, Junior, Master leh Elite te an ni.
Inelna sang ber Elite inelnaah hian tunhnai Mizoram a thirsakawr intlansiak a awm apianga a ber nihna hauh ziahtu Mesak Vanlalvena chu pakhatna niin Rs. 15000 a hlawh chhuak a. Zarzoliana chu pahnihna niin Rs. 10000, Lalremsanga chu pathumna niin Rs. 5000 a hlawh ve bawk.
Cycling Federation of India a Joint Secretary Dr. Tapan Das leh Cycling Association of Assam Joint Secretary Dibyajyoti Rajkhowa ten Mizoram XCO 2023 hi an rawn uap a, lawmman te an sem bawk a ni.
Elite category results :
- Mesak Vanlalvena Rs. 15000
- Zarzoliana Rs. 10000
- Lalremsanga Rs. 5000
Master category results :
- Michael Lalremruata Rs. 10000
- David Rualzakhuma Rs. 6000
- Peter Zohmingliana Rs. 4000
Junior category results :
- Vanlalruata Rs. 10000
- Samson Vanlalngaihawma Rs.6000
- Vanlalthapuia Rs. 4000