Aizawl : Aizawl South II bialtu MLA Lalchhuanthanga’n nimin khan Kulikawn Hospital-a CMO ‘West leh ZMC-in Remna Ni Special Clinic an buatsaih chu tlawhin, damlo inentir zawng zawngte tan Remna Ni chu malsawmna ni turin duhsakna a hlan.
Lalchhuanthanga chuan a bial chhunga health care centre hrang hrang a tlawh fo thu sawiin, tichangtlun ngai a nih deuh vek thu a sawi a. Kulikawn Hospital pawh hmun- hma ṭha si, fianrial ṭha si, changtlung taka siam theih a nih thu sawiin, sorkar pawhin ngaipawimawh se a duh thu a sawi.
Kulikawn Hospital pawh chu khawpuia cheng khawsak harsa zawkte tan pawha pan awlsam a nih thu sawi- in, ZPM an sorkar a nih chuan changtlung taka siam tura hma an lak tur thu Lalchhuantha- nga chuan a sawi bawk.
India leh MNF inremna ni denchhena buatsaih Remna Ni Sepcial Clinic hi CMO West leh ZMC, Fal- kawn huaihawt a ni a. Medicine, Skin, ENT, Pediatric, Psychiatric, Surgery, Dental leh Eye Specialist te mipui tan an thu a ni.
Nimin vek khan YMA, Venghnuai bra- nch-in an branch huam chhûnga HSLC leh HSSLC pass tharte ch- awimawina hun an hman pawh bialtu MLA Lalchhuantha- nga chuan a hmanpui a. Venghnuai chu veng lian ni lo mahse, Inter-branch YMA football-a an champion thei te, zirlai hlawhtling chawimawi tûr thahnem tak an nei thei te chu lawmawm a tih thu a sawi.
Zirlaite chu an kal zelna tura duhsakna hlanin, an zirlai piahlamah lehkhabu a tam thei ang chhiar tûrin a fuih a. Lehkha chhiar tam te chu chhawrna tûr an tam nia sawiin, competitive exam hmachhawn tûra ṭul leh pawimawh a nih avangin lehkhabu a tam thei ang ber chhiar tûra fuihin, zirlai leh zirlai ni tawh lem lo kalkhawmte chu ruihhlo laka inthiarfihlim turin a chah a. Kan rama hmeithai naupang tak tak tam ta lutuk hi a veiawm zia sawiin tirehtu ni tûrin kalkhawmte a sawm.
Bialtu MLA chuan, “Kan sorkar hrawn tawhte aṭangin zirlai ti ṭha aiin party mi induhsakna avanga hna hmuh a tam fo a. Hei hi keini chuan tih bo kan tum a ni,” a ti bawk.