Aizawl: Nimin khan Tuirial bial chhunga MPF Local Committee pualin Kawnpui Hmarveng Presbyterian Kohhran Hall-ah seminar neih a ni.
Kumina MLA inthlan lo awm turah inthlanna felfai leh thianghlim a awm theih nan political party leh MPF thawhhona thuthlung zirho a ni a; resource person MPF General Headquarters-a Gen. Secy. Rev. Lalramliana Pachuau chuan thawhhona thuthlung ziah chu Inthlan puan anih hma pawh a hman nghal turin Party hrang hrang hruaitute nen inbiakna neihah an rem ti tlan thu a sawi.
Seminar-ah hian thawhhona thuthlung zirho a nih bakah hian khaw hrang hranga hmalak dan turte sawiho a ni a; Election kaihhnawih thil pawimawh te leh Election buaipuitu sawrkar mi leh sa te nena thawhho dan tur hrang hrang te an sawi ho a ni bawk.