Aston Villa chuan Pound maktaduai 35 in Spain defender Pau Torres, 26, chu Villarreal atang lalut turin inremna an nei. (The Guardian)
Netherlands defender Jurrien Timber, 22, chuan Arsenal ah medical neih a hmabak tawh a, Ajax nen Euro maktaduai 42 in inremna an nei tawh. (De Telegraaf)
Chelsea chuan Moises Caicedo lakluhna turin Brighton chu inremna neihpui an tum a, Ecuador midfielder, 21, aiawhte nen inbe tawhin mimal inremna chu an nei tawh. (Fabrizio Romano)
Bayern Munich leh France defender Lucas Hernandez, 27, chuan Paris Saint-Germain a zawm fel thuai tawh dawn. (Fabrizio Romano)
Celta Vigo leh Spanish midfielder Gabri Veiga, 21, chu Chelsea in Manchester United pan tur England midfielder Mason Mount, 24, thlaktu atan lakluh an duh. (Standard)
Aston Villa chuan Barcelona leh Spain winger Ferran Torres, 23, chu loan a hawh dan an dap a, Pound maktaduai 21.5 a lei ngheh theihna awm se an duh. (Mundo Deportivo)
Chelsea leh Belgium striker Romelu Lukaku, 30, chuan Saudi Arabian club Al-Hilal atangin kum khat a Pound maktaduai 39 hlawh tura sawmna a vawi hnih nan a hnawl a, Inter Milan chauh zawm a duh. (Gazzetta dello Sport)
Tottenham midfielder Pierre-Emile Hojbjerg chu Atletico Madrid in an ngaihven a, Spurs hian kum 27 mi Denmark international hi hralh an phal. (Daily Mail)
Juventus, Borussia Dortmund leh Bayer Leverkusen te chuan Sheffield United atangin England Under-20 forward Daniel Jebbison, 19, an ngaihven vek. (90min)
AS Roma manager Jose Mourinho chuan Leicester City atangin Nigeria striker Kelechi Iheanacho, 26, leh Zambia forward Patson Daka, 24, lakluh kawp a duh. (Express)