Aizawl : Inrinni khan kohhran pawl hrang hrang thalai ten damdawi in hrang hrangin a tula an hman atan thisen unit 173 an pe.
Salvation Army Youth (SAY), Southern Division, Lunglei-in Lunglei Civil Hospital-in a tula a hman atan unit 63 an pe a, thisen petu mipa 58 leh hmeichhia 5 an ni.
SAY, Central South Division, Serchhip pawhin Serchhip District Hospital-in a tula a hman turin unit 30 an pe a, thisen petu mipa 26 leh hmeichhia 4 an ni.
SAY, Siaha member mipa 14 leh hmeichhia 2 te pawhin Inrinni vek khan Siaha District Hospital-in a tula a hman turin thusen unit 16 an pe.
KTP, Jubili branch, Mission Vengthlang, Aizawl-in Synod Hospital, Durtlang-in a tula a hman turin unit 24 an pe a, thisen petu mipa 19 leh hmeichhia 5 an ni.
KTP, Khuangleng biala member mipa 35 leh hmeichhia 5 te pawhin Inrinni vek khan Champhai District Hospital-in a tula a hman turin thisen unit 40 an pe bawk.