Netflix chuan Hollywood superstar Arnold Schwarzeneger-a documetary film hlawhtling taka a tihchhuah hnu-ah a elpui lian ber ni thin Sylvester Stallone-a documentary, ‘Sly’ a buaipui dawn ta.
An hun laia lemchan khawvela action star lian ber pahnih, inel em em leh kawng engkima khaikhin hlawh te pahnih hi naupan lai zawnga film en tinuamtu leh kan nunkawngah te pawh nghawng bakah huhang nei lian em em te an ni a, an film en a, seilian deuh vek kan ni awm e.
Tunah hian Stallone-a hringnuna thil thleng pawiimawh leh chhinchhiahtlak tak takte chu lakhawmin documentary film puitling taka chhuah ngei turin Netflix-in hma a la rup rup ta a, inel tak ni chung a, thiantha tak ni te pahnih hi box office lamah pawh an inbei viau thin kha niin, a tak ramah chuan inthiantha tak nia sawi an ni.
‘Sly’-ah hian kum 50 chhungzet lemchan khawvel tana a thawhhlawkna hrang hrang tarlan a ni ang a, Rocky Balbo atanga John Rambo ni tura a zinkawng hautak leh pui rem rem tak hmuh theih a ni bawk ang.
‘The Expendables’ franchise kal mekah hian kum upa lam tawh ni mah se, a changtu langsar tak tak ni zuiin, he franchise hian pop culture-ah huhang a nei zui hle.