Shinde-a kaihhruai Maharashtra sorkar hian Congress, NCP leh Shiv Sena tangho, MVA hi thiah a tum hle a, nakin zela an tana hnawksak tur tih an hria.
Hetih lai hian Sharad Pawar-a ve thungin eptute chu nghet zawka inphuar khawm zela nakum inthlanpuiah pawh BJP leh an thawhpuite beihho theih dan a dap mek zel bawk.
BJP chuan anmahni zawmtu thar, Ajit Pawar-a hian NCP-in MLA 53 an neih zinga 40 chuangin an thlawp tih a sawi niin an sawi a. Dan angin MLA atanga hnawl a nih lohna turin MLA an neih zatve aia tamin an thlawp a ngai a, MLA 36 talin an thlawp a ngai tihna a ni.
NCP hian an party-in an zawm loh sorkar zawmtu MLA-te hi ram Danpuia 10th Schedule hmangin hek thei dinhmunah an la ding mek a. Tun hnaia Supreme Court constitution bench thuremnaah chuan an party-in a duh chuan mi dang a zawm thei a, hei hi Para 16 of Symbol’s order tlawhchhana kal theihna a ni a. Ajit Pawar-a hian Election Commission of India hnenah Symbol’s order hmang hian NCP dik tak zawk a ni tih a thlen thei ve tho bawk a. Tun dinhmunah erawh chuan amah leh amah thlawptu MLA-te nen hian an nihna paihsak theih an ni.
Ajit Pawar hian a patea party thena amah zawk NCP dik tak a ni tih a nemngheh theih chuan a NCP pangngai zawk chu 10th schedule tlawhchhanin engmah ti thei lovin an awm dawn a ni.