- Lallunghnema, Charity Lodge
Chibai tha ber ka buk a che u.
Thahnemngai taka ka article lo chhiar zel thin turin ka chah duh bawk che u, a ni.
Kei ve tehlulin a ka duh ber chu consumerte himna leh thlamuanna a ni a. He Consumer Huang ka neih chhan pawh hi in thil lei leh in hmannaa harsatna in tawh zel ka hlauh vang a ni.Bazar apiang a,hmuhsita inawm thin hi ka rilru a na ve thin a ni tih tih in lo hriat nana ziak ka ni bawk.Hrehawm in tuar zel loh nan a ni ber a.Consumer Protectuon Act- in pek min tiam Dikna leh Chanvo a taka kan channa tura ka beihna kawng khat a ni. Tichuan,tunah hian kan thupuiah kan lo kal tawh ang a.
India ram puma hman thin the Electricity Act 2003 chu ram mipuiin kan tangkaipui hle a. Hei aia nasa zawka mipuiin kan hman tangkai theih nan Central Sawrkar(Government) chuan (sub section (1) read with the clause(Z) of sub-section 176 of the Electricity Act of 203 hmangin) the Electricity(Rights of Consumers) Rules, 2020 chu a lo duang chhuak leh ta a. He Rules hi tunah hian Official Gazette a tih chhuah a nih tawh avangin hman mek a ni a. Mizoramah pawh hman mek a ni.
He Electricity Rules 2020 a pawimawh em em chu section 15 naa Grievances Redressal Mechanism hi a ni a. He Section hian Power & Electricity Department a sub-division, division, circle, zone leh company level-ah te Consumer Grievances Redressal Forum din theihna thuneihna chu sawrkar a pe a ni.
Heng Forum- a Member-te hian anmahni huam chhunga electric consumer -te harsatna leh lungawilohnate chu a theih ang angin an lo ngaihtuah ang a, an lo chinfelsak thin dawn a ni.
Mizoramah chuan District – tinah Electric Consumer Forum hi din a ni a; District Headquarters a Power & Electricity Deptt. hotu lu ber chu Chairman a ni a, Chairman te hi district thenkhata S.E. an nih laiin District thenkhatah thung chuan E.E an ni ve thung a ni.
Tichuan, he thu ziaktu hi Aizawl District-ah hian Member zinga pakhatin ka lo awm ve a. Aizawl Power Circle-a Superindenting Engineer chu kan Chairman a ni. Er Lalhminghlua chu Member a ni bawk. Appelate Forum a nih angin appeal emaw complaint emaw a lo luh loh chuan meeting neihna chhan a awm dawn lo va. Chuvangin electric chhitute chu an pawimawh hle dawn a ni. Complaint theh luh pawh inthlahrung lovin complaint kan neih chuan kan complaint zel ang a, Forum hian an lo ngaihtuah thin dawn a ni. Aizawl Power Circle Consumer Forum Member- te hian 12th June 2023 khan Chairman Office Chamber-ah meeting an nei a. He Meeting-ah hian electric consumer te tana tha tur eng emaw zat an ngaihtuah a ni. Chung an thu ngaihtuahte chu hengte hi a ni :-
1) Electric Bill Form fiah lo chungchang sawi chhuah a ni a. Superintending Engineer(commercial) chu hrilh a, chisng leh fiah zawk a nih theihnana hma lo la tura ngen nise tih a ni.
2) Power Bil,l a changa hniam leh sang chungchangah hmalak ni se,i consumerte hnenah thil awmzia hrilh hriat ni se, sawiselna tlem thei ang ber tura hmalak ni se, tih a ni bawk.
3) Power dinhmun hi a theih ang angin SDO levelah whatsApp group siamin update a ni thin tih thu ngaihthlak a ni a.Mumal taka puanzar a nih zel theih nan Aizawl Circle chhunga sub-division 7(pasarih)ah whatsApp group siam a nih thu sawi chhuah a ni bawk a. Hei hi thil tangkai tak a niin hman tangkai tum zel ni se, tih a ni.
4) Consumer – te hnenah Consumer Grievances Redressal Forum din a nih thu leh hmalaknate Media chi hrang hrang kal tlanga thuchhuah siama puanzar ni se. Electric Consumer ten harsatna an neih chungchangah awmze nei zawka an zualko theih nan Member te hming leh address -te pawh tarlan ni bawk se, tih a ni.
Tuna Electric chhitute harsatna buaipuitu Consumer Forum chungchang leh a hmalakna tur thenkhat ka han tarlan hi keini consumer-te hian ngaihven tur a ni a.. Power a awm loh hlekin phun liam mai mai tawh lo ila. Bill a san pawhin âng chiam chiam lem lo ila. Insawisel a sawt lo va, infuihtawn hi a ngai hle zawk a ni. Complaint pawh Forumah hian thehluh tur a mai. Bill siam dante, bill dinhmun hrim hrim ngaihpawimawh te hi kan duty a ni tih kan hriat a tul em em a ni.
Electric bill dan kan hre tha duh lo leh electric kan mamawh si zia thlir hian lei mihringte hi kan ho ngawt mai, tih bak chu sawi tur a awm lo. Electric hmante hi uluk a ngai hle. Ren pawh a tul. Bill a san hian i phun a, i ang a, mahse bill a hniamin a phun si lo, i sawisel si lo. Bill sang ngaihpawimawh piah lamah bill hniam pawh vei tho tur kan ti a nih chu.
Thil dang kan hawl kual lawk teh ang. Tawi te te in :
Leitlangpuia ka nau pakhat chuan chawlhkar hmasa a ka article kha a lo chhiar uluk hle a ni ang. A Comment ilo ngaithla teh ang.
Thil hi
Rights i lehlin ho hi a phawk fuh lo deuh em ni le, ka lo hmuh ve dan chuan,
1) the Right to safety:
Consumer kha a thil complaint a dinhmun a derthawng tur a ni lo, a him ngei tur a ni. A thil, commodity ni lovin amah zawk khan…
2) the Right to be informed:
A thil lei tur chungchangah a hriat tur ang ang te hriat kha a chanvo a ni. Engnge anih chuah, a hman tlak em? Warranty a awm em? A duh duh a zawt thei.
3) the Right to be heard :
Consumer in lungawi lohna a thlen kha ngaihthlaksak a ni tur a ni a. An lo nam nul mai mai tur a ni lo. Appeal a neih kha thutlingah ngaihsak tur tihna a ni.
4) the Right to choose :
A duh a thlang thiang a, a zuartu/supplier in a duh ang a lei luih tir tur a ni lo. A leitu lungawina a ni tur ani.
He thu ziak hi saptawng a ni a. Lo pu darh teh u..
Let us take a Pledge to Avoid Plastic. Consumer Advocacy Group.
Vawiin – 3rd July : International Plastic Bag Free Day.He Day kher hi chu a va pawimawh kher em! Nute Ni aiin a nep chuang lo!
Hei pawh :
Ernakulam Consumer Forum Directs Printing Press & Compensate Author for Failure To Print Book. In time.
He Consumer Commussion Judgement hi chu article chhuak lehah a kim changin rawn ziah ka tum ang e. Tuna mi hi chu saptawng thiamte tan ka han ti ve luklak a ni.
I thil lei apiangin an bum thin che em?
I thil leinaah hlau thawngin awm suh.
In tihuai la,
Ngam thlem theihin awm suh.