Inter Milan chuan France winger Marcus Thuram chu free transfer in Bundesliga club Borussia Monchengladbach atangin an lalut.
Kum 25 mi Thuram hian Gladbach tan hian season li chhung khelin an tan match 134 a inlan hman a. Goal 44 a khung.
Kum 2019 khan French club Guingamp atangin Bundesliga lam hi a pan.
April thla khan Gladbach hian an winger in contract thar a ziah tawh loh tur thu an sawi a. Hemi hnu atang hian Europe club lian hrang hrangte nen sawizawm a ni nasa hle.
France defender ropui Lilian Thuram fapa hian France tan November 2020 khan inkhel tanin vawi 10 a inkhel tawh a. Nikum Qatar a World Cup 2022 ah khan France squad-ah telin final thlengin match nga a khel bawk.