UFC middleweight fighter Sean Strickland chuan a vawi 11-na atan knockout in hnehna a chang a. Pathianni zingah Abus Magomedov chu round hnih naah technical knockout in a hneh.
Las Vegas a UFC Fight Night-ah 27-5 record nei Strickland hian round hnihna minute 4 leh second 20-ah hnehna hi a chang a. Magomedov hi chhuata a tluk hnuah hnek chhunzawmin referee Mark Smith-a’n a titawp.
Strickland hian kum 2020 hnua a vawikhatna atana knockout a hnehna a chan lehna a ni a. A khingpui Russian mi lakah hian round khatnaah che tha lo mahse a hnuah a chan tha zawk ni turin a insiamtha thei.
Nikumah Alex Pereira leh Jared Cannonier te laka a tlawm hnuah UFC middleweight rank no.7 fighter hi a zawna vawi hnih a chakna a ni a. Hei vang hian title inchuhnaah tel ve a duh thu a sawi nawn leh bawk.