Aizawl: Chief Minister Zoramthanga hoin nimin khan a pisa-ah Rashtriya Uchchatar Shiksha Abhiyan (RUSA) kal zel dan tur ngaihtuahin an thukhawm.
Thutkhawmah hian RUSA chungchanga sum hmuh dan leh kal zel dan tur te, Mizoram sorkar college te’n RUSA an chhawr tangkai dan leh a bik takin hmasawnna ruhrel din na atana tangkai dante leh NAAC accreditation lama hmasawnna pawhin thui takin a puih phah nia sawi a ni.
New Education Policy 2020 chu kalpui tan a nih tawh dawn avanga thawktu indaih lohna, a bik takin non-teaching staff lama harsatna tawhte leh harsatna sukiang tura bawhzui zel dan turte an sawi ho bawk.
Thutkhawmah hian chief minister bakah Higher & Technical Education Minister Dr. R. Lalthangliana leh department hotute, DP&AR leh Finance Department hotute an tel a ni.