England in European Under-21 Championship semi-final khel turin hnehna an chang a. Portugal lakah 1-0 in an chak.
Pathianni zanah Georgia a Ramaz Shengelia Stadium-ah England tan hian Newcastle United forward Anthony Gordon chuan minute 34-naah goal a khung a. Morgan Gibbs-White leh Noni Madueke te goal luhna turah an pawimawh.
Portugal hian second half-ah an si phurh sut tumin an insiamtha a. Henruqye Araujo chuan goal ban pet perin a sut teuh viau. Nimahsela tun tournament a goal la chhuah miah lo Lee Carsley pawlte a tawp thleng an tang tluan.
Semi-final ah hian England in Israel an hmachhawn leh ang.
Inkhel dangah squad a player langsar kawl hnem France in semi-final an thleng zo lova. Ukraine lakah 3-1 in an tlawm.
Ryan Cherki hmangin France in goal khung hmasa mahse Ukraine tan Heorhii Sudakov chuan goal hnih a khung a, Artem Bondarenko chuan goal dang a khung.