Aizawl: Mizoram Larsap Dr Hari Babu Kambhampati chuan Mizoramah Red Cross Society chu tangkai zawka kalpui dan ngaihtuah tul a tih thu a sawi.
Indian Red Cross Society (IRCS), Mizoram Chapter President, Dr Hari Babu Kambhampati hoin nimin khan Raj Bhavan ah IRCS -Mizoramin chak zawka hma la tura kal dan tur sawi hoin an thukhawm a. He hunah Larsap chuan report atanga a thil hmuh dan te sawiin, Mizoramah Red Cross Society chu tangkai zawka kalpui dan ngaihtuah tul a tih thu a sawi a. Hemi chungchangah hian Ad-hoc Committee ten a rang lamin hma la se, rawtna siam thuai se tha a tih thu a sawi.
Thutkhawmah hian Esther Lal Ruatkimi, Principal Secretary, Health Department chuan PowerPoint presentation hmangin IRCS – Mizoram Chapter lo din a nih dan leh tun thlenga hmalakna te a sawi a. Dr. Chawnglungmuana, Member Secretary, Ad-hoc committee, IRCS – Mizoram Chapter pawhin Mizorama Red Cross hmalakna tlangpui leh huang zauh theih dan nia a hriat te a sawi bawk.